Алматы тұрғыны Максим Виноградов пен 31 арна тілшілері метроның ерекше мұқтаж жолаушылар үшін қаншалықты қолжетімді екенін тексерді.
Пандустардың көлбеу бұрышы арбадағы адамға метроға өздігінен кіруге немесе шығуға мүмкіндік бермейді. Арнайы лифттер станциялардың жартысында ғана бар. Бұл 31 арна жүргізген эксперимент барысында анықталды.
«Алатау» метро станциясында арбасымен қозғалатын Максим Виноградовты жолсерік платформаға түсуге көмектесті, ол арнайы жабдықты пайдаланды. Ал басқа станцияда мұндай қондырғылар жұмыс істемейді. Салмағы 90 кг арбаға таңылған адамды пандуспен көтеру үшін көп күш жұмсалды, өйткені көлбеу бұрышы өте тік болды.
«Менің ойымша, мен бірінші сантиметрде құлар едім. Пандус беті тайғақ, ал бұрышы үлкен. Көлбеу аз немесе көп көтергіштер болғаны жақсы болар еді» Максим өз тілегін білдірді.
Сондай-ақ, барлық мүгедектігі бар жандар арбасына таңылғандар атынан метроға түсу үшін арнайы лифттер орнатуды сұрады. Олар барлық станцияларда жоқ.
«Қолданыстағы 11 метро станциясының алты станциясында лифттер бар. Жібек Жолынан бастап, Әуезов атындағы театр станциясын қоса алғанда бес станцияда лифттер бекітілген жобада қарастырылмағандықтан, бірде-бір лифт жоқ. Жолаушылардың тілектері ескеріліп, болашақ станциялардың жобаларында лифтілер қарастырылған», — деді Алматы метрополитенінің қозғалыс қызметінің бас инженері Нұрлан Ибраимханов.
Кейбір қоғам қайраткерлерінің айтуынша, метроға мүгедектігі бар жандар арбасындағылар ғана емес, балалары бар аналар, сондай-ақ басқа да жүріс-тұрысы шектеулі адамдар кіре алмайды. Өйткені, тәжірибе барысында белгілі болғандай, белгіленген пандустармен төмен түсу қауіпті. Метродағы бұл мәселенің шешімі әлі табылған жоқ.
