Астана әкімдігі тұрақты түнгі экспресс маршруттарды іске қосуды жоспарлап отырған жоқ, деп хабарлайды ҚазАқпарат тілшісі.
«Бізде CTS компаниясы, көлік бөлімі бар, олармен бірге жұмыс істейміз. Біз қызмет көрсететін барлық бағыттарды, сондай-ақ жолаушылар ағынын қарастырамыз. Бүгінгі таңда түнгі бағыттарды іске қосуды мақсатқа сай емес деп санаймыз, өйткені олар пайда әкелмейді, жолаушылар тасымалы болмайды, бұл да шығынға әкелуі мүмкін», — деді Астана коммуникациялар қызметінде баспасөз мәслихаты барысында журналистердің сұрақтарына жауап берген №1 автобаза басқармасының төрағасы Медет Шақаев.
Еске салайық 2017 жылы Астанада 200, 201 түнгі экспресс-маршруттардың қозғалысы сұраныстың жоқтығына, жолаушылар ағынының аздығына байланысты тоқтатылған болатын.
Осы ретте былтыр мұсылмандардың қасиетті Рамазан айында елордада түнде тегін автобустар жүрген болатын.
