Әлеуметтік желіде Шығыс Қазақстан облысындағы балалар үйінің бейнебақылау камералары түсірген видео пайда болды. Кадрларда мекеме қызметкерінің балаларға дөрекі қарым-қатынас жасағаны байқалады.
Видеоны Telegram Egov.Press арнасы жариялады. Кадрларда балалар үйінің қызметкері манеждегі баланы қатты жұлқығанын, баланың қатты жылай бастағанын көруге болады.
Тағы бір баланы жұлқып қолынан тартып сүйреген. Бесікте жатқан басқа сәбидің үстіне оны басынан аяғына дейін толық жауып тұратындай көрпе лақтырады. Бала қорқып қолдары мен аяқтарымен қимылдап жанталаса бастайды. Облыстық полиция департаменті бұл жерге тәртіп сақшылары тексеру үшін шығып үлгерді деп жауап берді.
«Бұл дерек белгіленген тәртіппен тіркелді, оқиға орнында жедел-тергеу тобы жұмыс істеп жатыр, оқиғаның барлық мән-жайы анықталуда», — деп хабарлады ШҚО ПД.
