Әлия Рүстемова Астана денсаулық сақтау басқармасының басшысы болып тағайындалды, — деп хабарлайды елорда әкімдігінің баспасөз қызметі.
«Рүстемова Әлия Шайзадақызы Астана қаласының Қоғамдық денсаулық сақтау басқармасына жаңа басшы болып тағайындалды», — делінген хабарламада.
Әлия Рүстемова — Алматы мемлекеттік медицина институтын «Жалпы медицина» мамандығы бойынша, Жансүгіров атындағы Жетісу мемлекеттік университетін «қаржы» мамандығы бойынша тәмамдаған, медицина ғылымдарының докторы, бұған дейін Астана қаласының №3 көпсалалы қалалық балалар ауруханасын басқарған.
Еңбек жолын Алматы облысы Талғар аудандық ауруханасында жалпы тәжірибелік дәрігер болып бастады. Бірнеше жыл Алматы, Талдықорған, Қызылорда, Петропавл және Астана қалаларының денсаулық сақтау саласында қызмет етті.
2018 жылдың маусымынан 2022 жылдың тамызына дейін елордалық қоғамдық денсаулық сақтау департаменті басшысының орынбасары қызметін атқарды.
