Қазақстандық ұялы байланыс операторлары журналистердің осы жылдың соңына дейін ұялы байланыс тарифтерін көтеру туралы сұрағына біржақты жауап бере алмады.
Орталық коммуникациялар қызметінде өткен брифингте БАҚ өкілдері жыл соңына дейін операторлық қызметтердің тарифтері көтерілетіні туралы сұрады.
«Beeline Қазақстанның» бас директоры Евгений Настрадин сұраққа жауап бере алмады.
«Шынымды айтсам бұл біздің жоспарларымызда жоқ, сондықтан көтерілмеуі тиіс», — деді ол.
Tele2/Altel қызметтерінің тарифтері көтерілуі «мүмкін». Бірақ нақты қанша екені әлі белгісіз.
«Бізде тарифтердің көтерілуінің бірізді тарихы жоқ. Белсенді базаның құрылымындағы тарифтерге байланысты өсім болады. Сондықтан қазір тарифтердің қайсысы монетизация кезеңінен өткенін айту қиын. Сондықтан база бойынша жыл соңына дейін тариф ұлғаюы мүмкін», — деді Mobile Telecom-Service (Tele2/Altel) бас директоры Сергей Конков.
Өз кезегінде «Кселл» АҚ басқарма төрағасы Асхат Өзбеков тарифтерді көтеру мәселесіне «қазір нақты жауап бере алмайтынын» айтты.
«Мен мұнда сұрақтарға жауап беру үшін келдім. Ал дәл осы сұраққа қазір нақты жауабым жоқ «, — деді Өзбеков.
Ағымдағы жылдың маусым айында Қазақстандағы ұялы байланыс операторлары абоненттерге байланыс пен интернет қызметтерінің қымбаттауы туралы ескерткен болатын. Activ қызметтерінің абоненттік төлемі тамыз айынан бастап өзгерді. Қазақтелекомда 1 тамыздан бастап мұрағаттық тарифтік желінің кейбір тарифтік жоспарлары бойынша тарифтер көтерілді. 15 тамыздан бастап Beeline әлеуметтік желілер мен видеохостингтегі шектеусізді алып тастауды жоспарлап отыр. Tele2 және Altel тарифтердің көтерілуі экономикалық жағдайға байланысты екенін хабарлады.
