Тұрғын үй сатып алу үшін мемлекеттен қалай көмек алуға болады?
1. «Нұрлы жер» мемлекеттік тұрғын үй-коммуналдық шаруашылықты дамыту бағдарламасы
Бұл 2025 жылға дейін жеңілдікпен баспана алуға арналған бағдарлама. Несие мөлшерлемесі – 5% (Жылдық тиімді пайыздық мөлшерлеме – 5,2%). Бастапқы жарна пәтер немесе үй құнының 20% құрайды.
2. «Военный продукт» немесе «Әскери баспана»
Жеңілдетілген несиелеу Отбасы банкіндегі арнайы шотқа тұрғын үй төлемдерін алатын әскери қызметшілер мен Арнайы мемлекеттік органдардың қызметкерлері үшін қолжетімді.
3. «Жаңа баспана»
Тұрғын үй жәрдемақысын алушыларға қолжетімді баспана. Тұрғын үй құрылыс жинақ жүйесіне мүше болу үшін Отбасы банкінен арнайы депозит ашып, белгілі бір уақыт өткеннен кейін жылдық 3,5%-дан 8%-ға дейінгі мөлшерлемемен несие алу қажет.
4. «Бақытты отбасы»
Бұл жоба көп балалы отбасыларға, мүгедектігі бар бала тәрбиелеп отырған отбасыларға, толық емес отбасыларға, 1 және 2 топтағы мүгедектігі бар жандар немесе ата-анасының қамқорлығынсыз қалған жетім балаларға арналған.
5. «Свой Дом»
Отбасы банкінің салымшылары болып табылатын қарыз алушылар үшін тиімді шарттары бар бағдарлама. Ең төменгі бастапқы жарна – тұрғын үй құнының 20 пайызынан бастап.
6. «Шаңырақ»
Бағдарламада тұрғын үй алу үшін әкімдікте кезекте тұрғандарға несие беру қарастырылған. Отбасының әрбір мүшесіне шаққандағы жиынтық табысы 133 267 теңгеден аспауы керек (өткен жылы 3,7 күнкөріс деңгейі).
7. «Жас отбасы»
Егер сіз жаңадан үйленген болсаңыз, бір жылдық жинақтау мерзімімен жылына 6%-дан аз ғана несие ала аласыз.
8. Балаға арналған «Арнау» депозиті
Сыйақы мөлшерлемесі: жылдық 2% (мемлекеттік сыйлықақыны ескере отырып, Жылдық тиімді пайыздық мөлшерлеме 6% дейін). Тиімді сыйақы мөлшерлемесі: жылына 6%-ға дейін (мемлекеттік сыйлықақыны қоса алғанда). Жыл сайынғы мемлекеттік сыйлықақы: 20% (200 АЕК-ке дейінгі бір жылға жинақ сомасына).
9. «Ұмай» әйелдер ипотекасы
«Ұмай» әйелдер бағдарламасы 2021 жылы басталды және бірінші транш аясында 8,4 млрд теңге көлемінде 954 қазақстандық әйел қарыз ала алды. 2022 жылы 14 млрд теңге бөлінді. Осы қаражатқа Қазақстанның 1 119 тұрғыны Тұрғын үй сатып алды.
