2023 жылғы 1 қыркүйек пен 15 қыркүйек аралығында Астана қаласында әлеуметтік кәсіпкерлік субъектілерінің тізіліміне енгізу үшін өтініштер қабылданады. Ұйымдастырушы – қалалық инвестициялар және кәсіпкерлікті дамыту басқармасы, деп хабарлайды елорда әкімдігінің ресми сайты.
Әлеуметтік кәсіпкерлік субъектілерінің тізіліміне әлеуметтік кәсіпкерлік саласында қызметін жүзеге асыратын дара кәсіпкерлер мен заңды тұлғалар (ірі кәсіпкерлік субъектілерін қоспағанда) енгізіледі. Тізілімге қатысу дамуға және мемлекеттен қолдау алуға кең мүмкіндіктер береді.
Әлеуметтік кәсіпкерлік субъектілерінің тізілімін жүргізу қағидаларына сәйкес оған төрт санатқа жататын кәсіпкерлер енгізілуі мүмкін:
— халықтың әлеуметтік осал топтарын жұмыспен қамтуға жәрдемдесетін әлеуметтік кәсіпкерлік субъектілері. Оған мүгедектігі бар баланы тәрбиелеп отырған ата-аналар, зейнеткерлер мен зейнеткерлік жастағы азаматтар, жетім және ата-анасының қамқорлығынсыз қалған балалар үйлері мен мектеп-интернаттарының тәрбиеленушілері, сондай-ақ пенитенциарлық мекемелерден босатылған аз қамтылған, көп балалы және толық емес отбасылардан шыққан ата-аналар, тұрақты тұрғылықты жері жоқ адамдар және наркологиялық науқастарды медициналық-әлеуметтік оңалтудан өткен адамдар кіреді.
— бірінші санаттағы халықтың әлеуметтік осал топтарына тауарларды өткізуге, жұмыстарды орындауға және қызмет көрсетуге жәрдемдесетін әлеуметтік кәсіпкерлік субъектілері;
— бірінші санаттағы халықтың әлеуметтік осал топтарына тауарлар өндірумен, жұмыстарды орындаумен және қызмет көрсетумен айналысатын әлеуметтік кәсіпкерлік субъектілері. Бұл санатқа сондай-ақ әр түрлі әлеуметтік қызметтер, азаматтарды күту, жақсарту және олардың денсаулығын бақылау бойынша әлеуметтік және медициналық қызметтер, жұмысқа орналасуға және еңбекке бейімделуге жәрдемдесу қызметтері, сондай-ақ медициналық техниканы өндірушілер мен денсаулық сақтау үшін бағдарламалық қамтамасыз етуді әзірлеушілер кіреді;
