Абай облысында екі жыл ішінде 700 мың шаршы метр тұрғын үй салынды . Әлеуметтік жағынан осал отбасыларға 900-ден астам пәтер беріліп, төрт жаңа мектеп ашылды. Amanat партиясы облыстық филиалының өкілдері осындай сандармен бөлісті.
Олар 2021-2022 жылдарға арналған қорытындыларды шығарып, алдағы жоспарларды бекітті. Бүгін аудандық және облыстық филиалдар саяси кеңестерінің жаңа құрамы сайланды. Биыл құрам 55 пайызға жаңартылды.
Мерей Қарт, Қазақстан Жазушылар одағы филиалының төрағасы:
– Депутаттардың құрамы жаңартылды. 70 пайызы халықтан. Олар адамдарды қандай мәселелер толғандырады, оларға қандай тұрмыс жағдайлары қажет екенін біледі. Барлығын айтып, әрекет етудің уақыты келді.
Кейін облыс ақсақалдарымен, шығармашыл зиялы қауыммен кездесу өтті. Партиялықтар тарихи мұраны сақтау, мемлекеттік тілді қолдау, заманауи әдебиетті дамыту және тарих және мәдениет ескерткіштерін қалпына келтіру шараларын талқылады.
Орал Шәріпбаев, Халықаралық «Қазақ тілі» қоғамының вице-президенті:
– Партияның міндеті – халықты толғандыратын мәселелерді шешу бойынша жұмыс жасау. Атақ-даңққа ұмтылмай, ортақ күш-жігерді біріктіріп, Мемлекет басшысының саясатын жалғастыру керек.
