Мүмкіндігі шектеулі жандарға 50 мың теңге көлемінде әлеуметтік төлемдер беріледі
Ақтөбе облысында Конституция күніне орай мүмкіндігі шектеулі жандарға 50 000 теңге көлемінде бір реттік көмек беріледі, деп хабарлайды облыс әкімдігінің баспасөз қызметі.
Жұмыспен қамтуды үйлестіру және әлеуметтік бағдарламалар басқармасының мәліметінше, 23 592 қазақстандыққа материалдық қолдау көрсетіледі. Қаржылай көмек көрсетуге қаражат жергілікті бюджеттен бөлінеді.
Көмек алу үшін ешқандай құжат тапсырудың және өтініш толтырудың қажеті жоқ, барлығы цифрлық отбасылық карта жүйесі арқылы жүзеге асырылады, деп басқармада түсіндірді.
0
