Қазақстан мектептердегі 34 апталық оқу жылына қайта оралады. Жаңа 2023-2024 оқу жылы 25 мамырда аяқталады. Бұл туралы Премьер-Министрдің орынбасары – Еңбек және халықты әлеуметтік қорғау министрі Тамара Дүйсенова айтты.
«Оқу жылын 36 аптаға дейін ұзарту мәселесіне қатысты қоғамда көптеген шағымдар мен педагогикалық қауымдастық тарапынан ұсыныстар болды. Бұл әлемдік тәжірибе екенін мойындау керек. Бірақ мұндай инновацияларды енгізу мұқият дайындықты қажет етеді. Министрліктің шешімі орынды, бірақ асығыс шешім болды деп ойлаймын. Осыған орай биылғы оқу жылында 25 мамырда аяқталатын оқу жылының 34 апталық ұзақтығына қайта оралу дұрыс деп есептеймін», — деді Тамара Дүйсенова білім беру қызметкерлерінің республикалық тамыз кеңесінде.
Министр бұл мәселеге 2025 жылдан кейін қайта оралған жөн екенін айтты.
