Жеңілдігі бар көлік карталарын ресімдеу мен алу шарттары туралы еске саламыз.
Елорданың қоғамдық көлігінде Астана қаласының мәслихаты бекіткен жеңілдік санатындағы азаматтардың тегін жүруге құқығы бар. Ол үшін жеңілдігі бар көлік картасы болу керек және онымен автобуста валидация жасау қажет.
Жеңілдігі бар көлік картасын:
— Астана қаласында ТІРКЕЛГЕН және ТҰРАҚТЫ тұратын;
— Зейнеткерлік куәлігінде «Азаматтарға арналған үкімет» Мемлекеттік корпорациясы» МКАҚ елтаңбалы мөрімен расталған, жәрдемақы мерзімі туралы өзекті жазбасы бар жеңілдік санатындағы азаматтар рәсімдей алады.
Жеңілдікті көлік картасын алу үшін қажетті құжаттар:
1) жеке куәліктің түпнұсқасы немесе төлқұжат;
2) зейнеткерлік куәлігінің түпнұсқасы;
3) өлшемі 3х4 см немесе 4х6 см басып шығарылған түрлі-түсті 1 дана фотосурет (сканерлегеннен кейін өтініш берушіге қайтарылады);
4) белгіленген үлгідегі өтініш (Орталық кассада беріледі).
Жеңілдік көлік картасы:
— Р. Қошқарбаев даңғылы, 50/1 мекенжайындағы Орталық кассадан беріледі).
Қартаны Transcard.kz сайтында онлайн тапсырыс беру арқылы рәсімдеуге болады.
Картаны онлайн тапсырыс беру арқылы жасатқан кезде ақылы жеткізу қызметін пайдалануға немесе өздігінше Орталық кассадан алып кетуге болады.
НАЗАР АУДАРЫҢЫЗ! Республиканың басқа қалаларында тіркелген, елорда тасымалдаушылары қызмет көрсететін Астана қаласы маңындағы елді мекендерді қоспағанда, жеңілдік санатындағы азаматтарға жеңілдігі бар көлік карталары ресімделмейді және берілмейді.
