Шымкенттік спортшы Бибарыс Спатай 2024 жылы Парижде өтетін жазғы Паралимпиада ойындарына жолдама жеңіп алды.
Қазақстандық Германияда байдарка, каноэ және параканоэда есуден өткен әлем чемпионатында бесінші орын алуының арқасында Францияда өтетін Паралимпиада ойындарына жолдамаға қол жеткізді. Параспортшы 200 метр қашықтықты 42 секундта бағындырды. Әзірге бұл спортшының параканоэдағы рекордтық уақыты.
«Бұл жарыста барлығын моральдық тұрақтылық шешті. Өйткені сол күні суық, жел, жаңбыр болды. Барлық спортшылар үрейлене бастады. Спортшылар жарыс шегерілетін шығар деп ойлады. Бірақ мен өз сәтімді күттім», — деді спортшы.
Бибарыс Спатай – Азия чемпионы, 2018 жылғы әлем чемпионатының финалисті, Ресей президенті кубогының иегері. 2021 жылы Токиодағы Паралимпиадаға қатысты.
