Еңбек министрлігі «2024 жылғы 1 қаңтардан бастап Мемлекеттік әлеуметтік сақтандыру қорынан төленетін әлеуметтік төлемдердің мөлшерін ұлғайту туралы» Үкімет қаулысының жобасын әзірледі.
«2024 жылғы 1 қаңтардан бастап 2024 жылғы 1 қаңтарға дейін тағайындалған еңбекке жарамдылығынан және асыраушысынан айырылу жағдайлары бойынша Мемлекеттік әлеуметтік сақтандыру қорынан төленетін әлеуметтік төлемдердің мөлшері алынған әлеуметтік төлемдер сомасының 7 пайызына ұлғайтылсын», — делінген қаулы жобасында.
Құжат Әлеуметтік кодекстің 11-бабының 2) тармағын іске асыру, сондай-ақ Мемлекеттік әлеуметтік сақтандыру қорынан төленетін әлеуметтік төлемдердің мөлшерін және республикалық бюджет есебінен төленетін мемлекеттік әлеуметтік төлемдердің мөлшерін ұлғайту тәсілдерінің бірлігін қамтамасыз ету мақсатында әзірленген. Қаулы қабылданған жағдайда 2024 жылдың 1 қаңтарынан ерте емес күшіне енеді.
Жоба 2023 жылдың 15 қыркүйегіне дейін қоғамдық талқылау үшін Ашық НҚА порталында орналастырылған.
