Әзірге жоба Астана қаласы мен Ақтөбе облысында іске қосылмақ.
Кәмелетке толмағандардың жыныстық қол сұғылмауына қарсы қылмыстардың алдын алу үшін прокурорлар мен бала құқықтары жөніндегі уәкілдер балалар өгей әкесімен бірге тұратын отбасыларға барады, деп хабарлайды ҚР Бас прокуратурасының баспасөз қызметі.
Бас прокуратурада өткен жиында балалардың құқығын қорғау және отбасыларға қолдау көрсету үшін ІТ-технологияларды қолдану мүмкіндіктері талқыланды.
«Е-превенция» жобасы қиын жасөспірімдердің өмір сүру жағдайларын, бос уақытын, білім алу мүмкіндіктерін, әлеуметтік мәселелердің бар-жоғын зерттеуге мүмкіндік береді.
«Кәмелетке толмағандардың жыныстық қол сұғылмаушылыққа қарсы қылмыстардың алдын алу саласында тұрмысы нашар отбасыларға, көп балалы отбасыларға және өгей әкесімен бірге тұратын балалар отбасыларына бару қамтамасыз етіледі», — делінген хабарламада.
Жүйе полиция, білім беру саласының қызметкерлері мен әлеуметтік қызметкерлер арасындағы өзара іс-қимылды қамтамасыз етуге мүмкіндік береді.
Жоба алдымен Астана мен Ақтөбе облысында сынақтан өтеді.
Еңбек және халықты әлеуметтік қорғау министрлігі мемлекеттік органдардың 80-нен астам дерекқорын біріктіретін «Цифрлық отбасы картасының» мүмкіндіктерімен таныстырды.
Бала құқықтары жөніндегі уәкіл Динара Зәкиева өз ұсыныстарын, соның ішінде зорлық-зомбылық, балалардың терезеден құлауы, балалар мекемелерін лицензиялау және қорлау мәселелері бойынша заңдарға 50-ден астам түзетулерді қамтитын ұсыныстар ұсынды.
Барлық ұсыныстар жұмыс тобының отырыстарында талқыланады.
Тегтер:
