Елордада следж хоккейден әлем чемпионаты басталды.
Еліміз мұндай ауқымды турнирді алғаш рет өткізіп отыр. Жарысқа 6 команда қатысуда. Әлем чемпионатында Қазақстаннан бөлек Финляндия, Словакия, Швеция, Ұлыбритания және Жапония құрамалары өнер көрсетеді. Матчтар 11 қазанға дейін жалғасады.
Қазақстан құрамасы бүгін дебют жасайды. Словакиямен өтетін ойын елордадағы «Тарлан Аренада» өтеді. Естеріңізге сала кетейік, өткен жылы ұлттық құрама С-тобында күміске қол жеткізіп, В-тобына жолдама алған болатын. Бұл жолы 2 мықты команда «А» тобына жолдама алады.
Қайрат Сабиров, пара-хоккейден Қазақстан ұлттық құрамасының шабуылшысы:
— Мұндай шараның Қазақстанда өтіп жатқанына қуаныштымыз. Осы чемпионатқа қатты дайындалдық, команда жеңіске жетуге бел байлады. Оң нәтижеге жету үшін қолдан келгеннің бәрін жасаймыз. Бұл жарыстарда жақсы нәтиже күтеміз. Словакия құрамасы өте мықты, олар жоғары лигада ойнады, Паралимпиадаға қатысты, тәжірибелері жетерлік.
Болат Бушанов, Парахоккей федерациясының президенті:
— Біздің бұл Олимпиадаға жетуге мүмкіндігіміз бар. Барлығы ойыншылар мен жаттықтырушыларға байланысты. Біз көп дайындалдық, Ресейден арнайы еңбек сіңірген парахоккей жаттықтырушысын алып келдік, қазір ол команданы жаттықтырып жатыр.
