Астанада азаматтардың жекелеген санаттарына, соның ішінде зейнеткерлерге, ҰОС ардагерлеріне, мүгедектертігі бар жандарға, көп балалы және аз қамтылған отбасыларға әлеуметтік қолдау шараларының тұтас кешені қарастырылған. Биыл оны 185 мың астаналық алған. Бұл туралы елордалық коммуникациялар қызметінде өткен брифингте қалалық Жұмыспен қамту және әлеуметтік қорғау басқармасының басшысы Илья Скуб толығырақ айтып берді, деп хабарлайды Астана әкімдігінің ресми сайты.
Биылғы жылы әлеуметтік қолдауға 121 362 қарт зейнеткер, оның 8-і ҰОС ардагерлері, 33 мыңы мүгедектер, оның ішінде 8 мыңы ерекше балалар, 27 мыңнан астам көп балалы отбасылар, 5738 көп балалы ана, «Алтын алқа», «Күміс алқа» алқасымен марапатталғандар, 13 мың аз қамтылған азаматтар.
«Әлеуметтік қолдау шараларын жетілдіру және мұқтаж азаматтарды көбірек қамту мақсатында өткен жылы төлемдердің мөлшерін ұлғайту және қызмет алушылардың санаттарын кеңейту бойынша 13 қосымша шара енгізілді», — деді Илья Скуб брифингте.
Атап айтқанда, газды қосу және беру шығындарының өтемақысы 90 АЕК-тен 130 АЕК-ке немесе 448 500 теңгеге дейін өсті.
Табиғи апат немесе өрт салдарынан зардап шеккен азаматтарға өтемақы да өсті:
бір отбасына 65 АЕК-тен (206 700 теңге) 400 АЕК-ке (1 380 000 теңге) дейін – жалғыз тұрғын үйі жоғалған, бүлінген немесе елеулі түрде залал келтірілген кезде;
бір қайтыс болған адамға 15 АЕК-тен (47 700 теңге) 150 АЕК-ке (517 500 теңге) дейін – отбасы мүшелері қайтыс болған жағдайда.
Атаулы әлеуметтік көмек төлемдерінің көлемі 90 мың теңгеден 140 мың теңгеге дейін өсті.
Жетім балалардың қосымша санаттары газдандыруға, отынға, саяси қуғын-сүргін құрбандарына – қалалық жолаушылар көлігі бағыттарында жол жүруге өтемақы төлеуге енгізілген.
Қатты отынды сатып алуға төлем мөлшері екі есе өсті – 8 АЕК-тен (25 440 теңге) 16 АЕК-ке (50 880 теңге).
Көп балалы отбасылар санаты да қосымша енгізілген.
Әлеуметтік маңызы бар дертке шалдыққан балаларға төленетін төлемдердің кезеңділігі өзгертіліп, 5 АЕК-тен (15 900 теңге) 25 АЕК-ке (79 500 теңге), тоқсан сайынғыдан айынсайынға ұлғайтылды.
Семей полигонында ядролық сынақтардың құрбандарына алғаш рет атаулы күндерге 2,5 АЕК (8 625 теңге) көлемінде біржолғы ақшалай төлем және бас бостандығынан айыру орындарынан босатылған адамдарға 15 АЕК (51 750 теңге) мөлшерінде біржолғы көмек көрсетілді. Сондай-ақ, 2023 жылы әлеуметтік көмек көлемі ұлғаяды, деп хабарлады тиісті бөлімше басшысы.
Осылайша, коммуналдық төлемдер бойынша көмек мөлшері басқа мемлекеттер аумағындағы ұрыс қимылдарына қатысқан ардагерлерге және Қазақстанда 1986 жылы 17-18 желтоқсандағы оқиғаларға қатысушылар арасынан ҰОС ардагерлеріне, саяси қуғын-сүргін құрбандарына жеңілдіктер бойынша теңестірілген ардагерлерге 2,4 АЕК-тен 4,5 АЕК-ке дейін өзгертілді.
Ауғанстаннан әскерлер шығарылған күніне және Чернобыль АЭС апатынан зардап шеккендерге төлем мөлшері 35 АЕК-тен (120 750 теңге) 45 АЕК-ке (155 250 теңге) дейін көтерілді.
