Қазақстанда аутизмі бар балалармен сабаққа арналған адам тәрізді роботтарды бағдарламалай бастады.
NAO роботы өте интерактивті, аутизмі бар балаларда қарым-қатынас пен әлеуметтік дағдыларды дамытуға көмектеседі. Ол адамдармен көз байланысын жасай алады. Аутизммен ауыратын балалар көбінесе технологияға жоғары қызығушылық танытады және компьютермен жұмыс істеуді ыңғайлы сезінеді, дейді Novators.
«Аутизммен ауыратын балалардың сабақ кезінде көңілдері қатты ауытқиды. Ал мұндай құрылғылар болмаса, мамандарға мұндай балалармен жұмыс істеу қиын. Зерттеу нәтижелеріне сүйене отырып, біз роботтардың арқасында терапия әлдеқайда тиімдірек екенін түсіндік», — дейді компанияның негізін қалаушы Анара Сандығұлова.
Роботтар өздерінің әлеуметтік дағдыларымен — көзбен байланысу, меңзеу, өзара назар аудару және басқа да вербалды және вербалды емес мінез-құлық арқылы интерактивті оқыту үшін тартымды орта жасайды, деп жалғастырды ол.
«Біз соңғы 6 жыл бойы зерттеу жүргізіп келеміз және оның тиімді нәтиже беретінін түсінеміз. Робот өзін қалай ұстауы керек. Қандай әдістерді қолданған дұрыс. Робот бағдарламасы патенттелген. Біз аутизммен ауыратын балалардың әлеуметтік-танымдық қабілеттерін дамыту үшін оқу бағдарламасын жасадық», — деп атап өтті Сәндіғұлова.
Оның айтуынша, робот баланың сабаққа қатысуын бақылап, оның дамуы туралы жеке ақпарат бере алады. Ата-ананың статистикасы бар және олар назарын қайда аудару керектігін анықтай алады.
«Аутизмі бар балалардың ата-аналары үшін баланың даму динамикасын көру маңызды. Мысалы, сіз экспрессивті дағдылардың қалай дамып жатқанын біле аласыз. Оларда барлық әлеуметтік және когнитивтік дағдылардың статистикасы бар. Осылайша олар баланың күшті жақтарын түсінеді және қандай дағдыларды дамыту керек екенін көреді», — деп атап өтті сұхбаттасушы.
Роботтық терапия әдістемесін 2018-2019 жылдары Республикалық балаларды оңалту орталығының базасында Назарбаев Университетінің HRI lab (Адам және робот зертханасы) ғылыми тобы сынады. Бұл әдістеме бұған дейін Шымкент, Талдықорған, Павлодар және Өскемен қалаларындағы 4 орталықта енгізілген. Тағы 18 орталық бойынша келісім бар.
