Парадзюдодан өнер көрсеткен қазақстандық спортшы Ақмарал Науатбек Қытайдың Ханчжоу қаласында өтіп жатқан Азия ойындарында ұлттық құрамаға екінші алтынды әкелді деп хабарлайды ҚР Туризм және спорт министрлігінің баспасөз қызметі.
Ақмарал Науатбек 48 келіге дейінгі салмақта өнер көрсетеді. Ол J2 сыныбында парадзюдодан алтын жеңіп алды. Финалдық белдесуде қазақстандық спортшы Қытай өкілі Ли Личинтен басым түсті.
«Жеңіс оңайлықпен келген жоқ. Ақмарал бар ерік-жігерін көрсетті. Мен оны шын жүректен құттықтаймын және адалдығы үшін алғыс айтамын», — деді Қазақстан Республикасының Туризм және спорт министрі Ермек Маржықпаев қазақ парадзюдошысының өнеріне қатысты.
Бұған дейін пауэрлифтингтен жұптық Давид Дегтярев Қазақстан құрамасына алғашқы алтынды әкелген болатын.
