Қазақстандық пара дзюдошы Олжас Оразәліұлы Қытайда өтіп жатқан Азия Пара ойындарында чемпион атанды, деп хабарлайды Туризм және спорт министрлігінің баспасөз қызметі.
«73 келі салмақта (J2 дәрежелі) сынға түскен қазақстандық Олжас Оразәліұлы пара дзюдодан алтын медаль жеңіп алды», — делінген сейсенбі күнгі хабарламада.
Алтын медаль үшін күресте қазақстандық өзбек спортшысы Феруз Саидовты жеңді.
«Пара дзюдошымыз өзінің жоғары деңгейін растады. Олжасты Пара Азия ойындарының алтын медалімен құттықтаймыз!» – деп атап өтті ҚР Туризм және спорт министрі Ермек Маржықпаев.
0
