IV Азия Пара ойындарының төртінші жарыс күні қазақстандықтар үшін екі медальмен басталды. Бұл марапаттарды Раушан Қойшыбаева, Кенжегүл Сейітжан және Антон Лаврентьев жеңіп алды.
Алғашында қазақстандық спортшылардың топтамасын велошабандоздар толықтырды. Қазақстан ерлер құрамасы Ханчжоуда өтіп жатқан Азия Пара ойындарында қола жүлдегер атанды. Кенжеғұл Сейітжан мен Антон Лаврентьев мәре сызығын 25:19.49 уақытпен үшінші болып кесті. Алтын медальді Оңтүстік Корея өкілдері (23:13,71), күміс жүлдені индонезиялық велошабандоздар (25:12,17) иеленді.
Қазақстандық Раушан Қойшыбаева пара пауэрлифтингтен күміс медальді жеңіп алды. Ол 73 келіге дейінгі салмақта сынға түсіп, 119 келіні бағындырды.
Осылайша, 26 қазан күні таңертең IV Азия Пара ойындарындағы Қазақстан құрамасының жүгі 33 жүлдеге жетті: 5 алтын, 11 күміс және 17 қола.
