Республика күні қарсаңында Қазығұрт орталық аудандық ауруханасында неврология, травматология, кардиология салаларында қызмет көрсететін 20 орындық ересектер мен балаларға арналған оңалту орталығы ашылды.
Ашылу салтанатына аудан әкімі Азизхан Исмаилов, аудандық ардагерлер кеңесінің төрағасы Аманбай Омаров және дәрігерлер қатысты. Шараға қатысушылар ағаш отырғызды.
Қазіргі таңда ауданда ми қан айналымы жүйесі, тірек-қимыл аппараты, жүрек-тамыр жүйесі аурулары бойынша жалпы мүмкіндігі шектеулі 1972 науқас оңалтуды қажет етеді.
Ауданда және көршілес аудандарда осындай науқастарды оңалтатын орталық құны 72 миллион 537 мыңға жуық заманауи медициналық құрал-жабдықтармен жабдықталған және айына 50-60 дейін қабылдай алады. Оңалту орталығының негізгі мақсаты – сырқаттанушылықты бәсеңдету және науқастар мен мүгедектігі бар жандардың денсаулығын қалпына келтіру.
