Осы күндері Қытайдың Ханчжоу қаласында өтіп жатқан IV Жазғы Азия Паралимпиада ойындарында отырып ойнайтын волейболдан Қазақстан ерлер құрамасы кезекті күміс жүлдегер атанды.
Финалдық кездесуде алтын медаль үшін болған белдесу барысында Қазақстан параволейбол командасы Иран командасына есе жіберді. Кездесудің қорытынды есебі 3:0. Осылайша қазақстандық спортшылар күміс жүлдегер атанды. Отырып ойнайтын волейболдан Азия чемпионатында Қазақстан құрамасы келесі жылы Парижде өтетін Паралимпиада ойындарына жолдама алғанын естеріңізге саламыз. Қазіргі уақытта Қазақстан құрамасы жалпы есепте 10-орында тұр. Еліміздің қоржынында барлығы 40 медаль бар – 7 алтын, 12 күміс және 21 қола.
0
