Тірек-қимыл аппараты бұзылған балаларға арналған коррекциялық орындықты өскемендік ғалым құрастырды.
Бұл Қазақстандағы бірінші және әзірге жалғыз әмбебап орындық және шетелдік әріптестерінен кемінде үш есе арзан, дейді әзірлеуші Досым Ерболатұлы.
Орындықта массаж механизмі, аяқ тірегі және саусақ моторикасын жаттықтыруға арналған жиналмалы үстел бар. Қашықтықтан басқару пульті арқылы реттеледі. Барлық опциялар науқастардың тілектеріне сәйкес орнатылады.
Ғылым қоры жергілікті инноватордың жобаларын 100 миллион теңге грантпен қолдады. Алдағы уақытта профессор Ерболатұлы шәкірттерімен бірге церебральды сал ауруына шалдыққан балаларды емдеуге қажетті жаңа әзірлемелерді ұсынбақ.
— Бізде балаларды оңалтуға арналған техникалық құрылғыларды шығаратын отандық өндірушісі жоқ. Сондықтан бұл идея бізге келіп, тәжірибелік сабақтарда студенттерімізбен бірге осындай құрылғыларды әзірлей бастадық», — деп бөлісті профессор, физика-математика ғылымдарының кандидаты Досым Ерболатұлы.
