Астанадағы «Баршаға мүмкіндік» модульдік пункттерінде тұрғындар мемлекеттік қолдау шаралары бойынша кеңес ала алады, деп хабарлайды елорда әкімдігінің ресми сайты.
«JOLTAP» әлеуметтік жобасы мемлекеттік қолдау шаралары, атаулы әлеуметтік көмек, кәсіп ашуға өтініштер беру, оқыту, жұмыс іздеу мәселелері бойынша тегін кеңес алуға мүмкіндік береді.
Жоба елорда әкімдігінің қолдауымен жүзеге асырылуда және барлығына қолжетімді. Кез келген адам жобаға қатысушы бола алады, жобаның барлық құралдары тегін.
«JOLTAP» мақсаты – халықтың табысын арттыру мүмкіндіктерін таңдауға көмектесу және жәрдемдесу.
Консультациялар күн сайын «Баршаға Мүмкіндік» модульдік пункттерінде келесі мекенжайлар бойынша өткізіледі:
Күнделікті сағат 10:00-19:00 аралығында:
«Ailand», Қорғалжын тас жолы, 2;
«Magnum» супермаркеті, Еділ көшесі, 26;
Күнделікті сағат 10:00-20:00 аралығында:
«Жастар» сарайы Республика даңғылы, 34
«Тұлпар» СО, Ш. Уәлиханов көшесі, 24;
«Euromall» СҮ, Қосшығұлұлы көшесі, 23;
«Встреча» СҮ, Абылай хан даңғылы, 31;
«Mechta» СҮ, Сығанақ көшесі, 3;
«Asia Park» СОО, Қабанбай батыр даңғылы, 21;
Күнделікті сағат 10:00-18:00 аралығында:
«Саянұр» базары, Тілендиев даңғылы, 24/5;
«Big Шанхай» базары, Алаш тас жолы, 32а.
