2023 жылдың басынан бері Қазақстанда көп балалы отбасыларға жалпы сомасы 339,4 млрд теңге мемлекеттік жәрдемақы тағайындалды.
22 қарашада ҚР Еңбек және халықты әлеуметтік қорғау министрлігінің баспасөз қызметі 2023 жылы қанша қазақстандық көп балалы отбасылар бойынша мемлекеттік жәрдемақы алатынын және төрт, одан да көп баласы бар азаматтарды қандай төлемдер күтетінін айтты.
Министрліктің мәліметінше, 2023 жылдың басынан бері 539,1 мың отбасы көп балалы отбасыларға жәрдемақы алды (орташа жылдық). Оларға барлығы 339,4 млрд теңге төленді. Қазан айында 534,9 мың отбасына жәрдемақы тағайындалды, бір айдағы төлемдердің жалпы сомасы 35,4 млрд теңгені құрады.
Еңбек және халықты әлеуметтік қорғау министрлігі кәмелетке толмаған төрт және одан да көп баласы бірге тұратын отбасылар мемлекеттік жәрдемақы алуға өтініш бере алатынын еске салды. Сондай-ақ төлемдер ересек балалары бар көп балалы ата-аналарға да төленеді (күндізгі бөлімде 23 жасқа дейінгі студенттері бар болса). Төлем сомасы келесідей:
• төрт балалы отбасыларға – 16,03 АЕК (55 304 теңге);
• бес баламен – 20,04 АЕК (69 138 теңге);
• алты баламен – 24,05 АЕК (82 973 теңге);
• жеті баламен – 28,06 АЕК (96 807 теңге);
• сегіз және одан да көп балаға – 4 АЕК немесе әр балаға 13 800 теңге.
Қазақстанда 2020 жылдың 1 қаңтарынан бастап көп балалы отбасыларға табысы есепке алынбай берілетін мемлекеттік жәрдемақылар енгізілді. 2023 жылдың 1 қаңтарынан бастап балалы отбасыларға берілетін барлық жәрдемақылар 8,5%-ға ұлғайтылды.
2023 жылдың 1 шілдесінен бастап Қазақстанда да көп балалы аналарға берілетін жәрдемақы өсті.
