Ипотекалық бағдарламаға жылына 150 млрд теңге бөлінеді деп жоспарлануда.
Қазақстанда бір ай ішінде жаңа 9-20-25 ипотекасы әзірленеді, деп хабарлады ҚР Премьер-Министрі Әлихан Смайылов.
Ипотекалық бағдарламаға жылына 150 миллиард теңге бөлініп, 8 мың адамға несие беріледі деп жоспарлануда, деді Смайылов бейсенбі күні үкіметте өткен брифингте.
Бағдарлама жастарға арналады, 2024 жылы іске қосылады деп күтілуде. Шарттары: мөлшерлеме – 9%, бастапқы жарна – 20%, мерзімі – 25 жыл болмақ.
«Отбасы банкінің» басшысы Ләззат Ибрагимова «9-20-25» бағдарламасы бойынша мөлшерлеме бұрынғы «7-20-25» бағдарламасына қарағанда жоғары, өйткені ақша «нарықтан» тартылады деп түсіндірді.
Бұған дейін Премьер-министр «Отбасы банкінің» мәртебесі туралы айтқан болатын. Бұл банк жаңа функциялары бар екінші деңгейлі банк болды және болып қала береді, деп түсіндірді Смайылов.
Қазақстанда «Отбасы банкін» ұлттық банкке айналдыру ұсынылған болатын.
Тиісті заң жобасын ҚР Индустрия және құрылыс министрлігі әзірлеп, парламентке жолдады. Мәжіліс заң жобасын бірінші оқылымда мақұлдады.
Бүгінде 2,7 миллион қазақстандық болашақ баспаналары үшін дәл осы банкте ақша жинап отыр.
