Алматыда Халықаралық мүгедектігі бар жандар күніне арналған екінші әлеуметтік форум өтті.
Бұл күн ерекше қажеттіліктері бар адамдардың құқықтары мен жағдайын қорғауға ерекше көңіл бөлуді талап етеді, дейді ұйымдастырушылар. Қатысушылар елімізде инклюзивті қоғам құру мүмкіндіктерін талқылады. Мамандар халықты жұмыспен қамтуға және арнайы инфрақұрылым құруға бағытталған қаулы дайындады.
Бүгінде Алматыда 56 мыңнан астам мүмкіндігі шектеулі жан тұрады, оның 700-ге жуығы түрлі салада еңбек етеді.
Бауыржан Жаубасов, Алматы қаласы Жұмыспен қамту және әлеуметтік бағдарламалар басқармасының басшысы:
— Бүгінгі таңда Алматы әкімдігі даму бағдарламасы аясында мүмкіндігі шектеулі жандардың қызмет түрлерін толық алуы үшін бірқатар шараларды қолға алуда. Ең алдымен, біз инватаксиге және оның қолжетімділігіне қатысты мәселені шештік. Екінші мәселе қазіргі таңда нысандарды, қаланы паспорттау бойынша ауқымды жұмыстар жүргізілуде
