Астанада үстел теннисінен Showdown республикалық турниріне еліміздің өңірлерінен 30-дан астам спортшы қатысты. Жарыстың ерекшелігі-көру қабілеті нашар спортшылар үздік атағына таласады.
Ұйымдастырушылардың айтуынша, ерекше қажеттіліктері бар адамдар үшін турнир денсаулықтарын жақсартуға ғана емес, сонымен бірге олардың өзіне деген сенімі мен өзін-өзі бағалауын арттыруға мүмкіндік береді. Жарыс жеңімпаздары келесі жылға жоспарланған халықаралық турнирлерге жолдама алады.
Бапкерлердің айтуынша, үстел теннисі күш, ептілік, үйлесімділік пен логикалық ойлауды дамытады. Жарыс Қазақстанның Тәуелсіздік күні мен Дүниежүзілік мүгедектігі бар жандар күніне орайластырылды.
Нұрлан Жетпісбаев, үстел теннисі федерациясы төрағасының зағип жандар кеңесшісі:
– Бұл жерде жас шектеуі жоқ. Мектеп оқушысы да, 70 жастағы қария да ойнай алады. Ең бастысы — техника мен ұқыптылық. Есту қабілетін дамытады, коррекция, реакция дамиды. Бұл бастысы. Showdown-да жаттығатындар қалада оңай жол табады.
