«Шатырдан су ағып, қабырғалары қирап жатыр»: қазақстандықтар мемлекеттен алған баспанаға шағымданды
Биліктен баспана алған Түркістан облысының тұрғындары үйдің сапасыздығына шағымданды. Аудан әкімдігі кемшіліктерді жоюға уәде берді.
Билік Түркістан облысындағы Састөбе ауылының тұрғындары мемлекеттік жалға берілетін тұрғын үй бағдарламасы бойынша салынған жаңа көпқабатты үйге қоныстанды. Қазір бұл үйде мүгедектігі бар жандар, жетім балалар, көп балалы отбасылар тұрады. Алайда, портал жазғандай, олардың қуанышы ұзаққа бармады – көпқабатты үйдің қабырғалары қирап, қасбеті жарылып, төбесінен су аға бастаған. Наразы тұрғындар әкімдік пен мердігерге хабарласқан. Үй тұрғындарының бірінің айтуынша, ол бір күні пәтерінің қабырғасы құлап кетуі мүмкін деп қорқады. «Бәрі бұзылып жатыр. Төбесінен су ағып, терезелерден су шығып жатыр. Мердігер келді, біреуді ертіп әкелді, ол бәрін желіммен бекітіп, бәрі жақсы болады деді», — дейді әйел. Билік бес жылдық кепілдік мерзімін алға тартып, бәрін жөндеп беруге уәде беріп отыр, деп хабарлайды портал. Түлкібас ауданының әкімі Нұржан Ізтілеуов мердігерлер жазалануы мүмкін, ал кемшіліктер қысқа мерзімде жойылады дейді.
«Бұл үйді қалай қабылдағанын айта алмаймын, ол кезде мен ол жерде болмадым. Мердігерлермен сөйлестік, олар наурызға дейін барлық мәселені шешеді. Осыған сендіремін», – дейді Нұржан Ізтілеуов.
Айта кетейік, өткен жылдың мамыр айында Ақтөбедегі апатты үйлердің тұрғындары оларды тез арада көшіруді сұраған болатын. Айтуларынша, жаңа баспана күтіп жүргендеріне 20 жылға жуықтапты. Тұрғындардың бірі айтқандай, тұрақты ылғалдан үй қабырғасының бір бөлігі опырылып, көршісін кірпіш басып қала жаздады.
