Астанада ерекше білім беруді қажет ететін мектеп жасына дейінгі балаларға мемлекеттік қызмет көрсету аясы кеңейеді. Бұл туралы Елорданың Коммуникациялар қызметінде өткен брифингте Білім басқармасының басшысы Қасымхан Сенғазыев мәлім етті.
Ведомство басшысының айтуынша, өткен жылы 4 балабақшада (№54, №60, №66, №95) эмоциялық- еркі жағынан және мінез-құлқында (аутизм) бұзылыстары бар балаларға арналған инклюзияны қолдау кабинеттері ашылды.
«2024 жылы 4 балабақшада (№35,63,86,98) және 4 шағын орталықта (№8, №11, №30, №76) инклюзияны қолдау кабинеттерін ашу жоспарланып отыр. Алғаш рет, биылғы жылдың 1 қаңтарынан бастап ата-аналарға қолайлы болу мақсатында, елордадағы 8 психологиялық-медициналық-педагогикалық кеңес беру кабинеттеріне жазылу birge.astana.kz. сайтында онлайн түрде жүзеге асырылып жатыр», — деді Қасымхан Сенғазыев.
