Жартыжылдықтың соңына дейін тұрғын үйге кезекте тұрғандардың тізімі ашық әрі түсінікті болады
Үкімет отырысында Премьер-Министр Олжас Бектенов тұрғын үй құрылысы мен проблемалық нысандарды аяқтау мәселесі бойынша Өндіріс және құрылыс министрі Қанат Шарлапаевтың, сондай-ақ бірқатар облыс әкімдерінің есебін тыңдады.
Олжас Бектенов Үкімет алдына ағымдағы жылы тұрғын үй құрылысы саласында бірқатар маңызды міндеттер қойылғанын атап өтті-бұл рекордтық 18 млн шаршы метр тұрғын үйді іске қосу, Мемлекет басшысының тапсырмасы бойынша жаңа ипотекалық бағдарламаны іске қосу, сондай-ақ үлестік құрылыс пен заңсыз құрылыстың жүйелі мәселелерін шешу.
Премьер-министр қазіргі таңда баспана кезегінде 650 мыңнан астам азамат тұрғанын атап өтті. 2023 жылы облыс әкімдіктері тұрғын үй бағдарламасына қатысуға өтініш берушілердің талаптарға сәйкестігін тексеру жұмыстарын бастады. Мәселен, Ақмола облысында 16 мыңға жуық, Шымкентте 36 мыңнан астам азамат анықталды. Бұл ретте шартты бұзған қазақстандықтардың аз ғана бөлігі кезектен шығарылады.
Премьер-министр әкімдіктерге бірінші жартыжылдықтың соңына дейін тізімдерді нақтылауды, алдағы уақытта тұрғын үй бағдарламасының орындалуын бақылауды тапсырды.
«Барлық әкімдіктер 1-ші жартыжылдықтың соңына дейін тұрғын үй алу үшін кезекті нақтылау жұмыстарын аяқтауы қажет. Барлығы белгіленген ережелерге сәйкес болуы керек. Кезекке жазылу ашық және түсінікті болуы керек. Сондай-ақ тізімге енгізілген адамдарға нақты мониторинг жүргізу қажет», — деді Олжас Бектенов
