Қарағанды облыстық зағип және көру қабілеті нашар азаматтарға арналған арнайы кітапханада көру қабілеті бұзылған балаларға арналған «Ертегілер әлемі» аудио ертегілер байқауының қорытындысы шығарылды.
— Байқауға Қарағанды, Теміртау, Шахтинск, Балқаш, Абай, Саран, Приозерск және Бұқар жырау, Шет, Нұра, Осакаров және Ақтоғай аудандарынан 61 жұмыс келіп түсті. Қазылар алқасы үш жүлденің, сондай-ақ екі номинацияның жеңімпаздарын анықтады, деп хабарлады арнайы кітапхана.
Бірінші орынды Нұра аудандық балалар кітапханасының әдіскері Гүлимай Ахметбекова «Өнердің күші» (қазақ халқының ертегісі оқылды) аудио ертегісі үшін иеленді.
Екіншісі – «Еріншек адам» аудио ертегісімен Ақтоғай мәдени-демалыс орталығының мәдени шараларын ұйымдастырушы Әли Сейдіғали.
— Мен облыстық мәдениет үйінде жұмыс істеймін, поэзияны жақсы көремін. Дубляжға «Еріншек адам» ертегісін таңдадым. Әйелдер көбіне отбасының асыраушыларына айналады, бұл заманымыздың дертіне айналған тақырып. Байқаудың қазылар алқасына кейіпкерлердің бейнелерін өз дауысыммен жеткізе алдым деп ойлаймын», – дейді Әли Сейдіғали.
Ал үшінші орын қарағандылық Наталья Морозоваға «Софияға арналған ертегілер — көктемгі самал» аудио ертегісі үшін («Алинкадан келген идеялар» жеке шығармасы бойынша кітаптар топтамасынан) берілді.
Сондай ақ екі номинация бойынша ынталандыру сыйлықтары тағайындалды:
«Үздік аудиоқойлым» жүлдесін Теміртау қаласының №2 балалар кітапханасының кітапханашысы Жаннұр Әлиасқарова «Алтын сақа» аудио ертегісі үшін жеңіп алды;
«Үздік оқырман» Қарағанды қаласының тұрғыны Роман Тен «Музыкант Бай мен Алдар-Көсе» (Қазақ халық ертегісі) аудио ертегісімен танылды.
Жеңімпаздар мен жүлдегерлер дипломдар мен ақшалай сертификаттармен марапатталды.
