«Қанаттылар» инклюзивті театры тағы да көрерменге шынайы оқиғаларға негізделген қойылымын тарту етті.
Бұл Арнұр Ысқақовтың өмірінен сыр шертетін өмірбаяндық драма. Тарих бізді қиындықтарды жеңуге, жаңа мақсаттар қоюға шақырады. «Екі тағдыр – бір өмір». Қойылым Арнұр Ысқақовтың өмірінен алынған оқиға.
Ол осы қойылымда басты рөлді өзі сомдауға шешім қабылдады.
Арнұр Ысқақов, «Қанаттылар» инклюзивті театрының директоры:
«Бұл қойылым көрермендерге ой салады деп ойлаймыз. Белгілі бір дәрежеде әрекетке түрткі болады. Көргеннен кейін адамдар өздеріне жаңа мақсаттар қоя бастайды. Ең бастысы, өз денсаулығымызды бағалап, күту. Сюжет жас пен ересек Арнұрдың арасындағы диалогқа негізделген. Медицина студенті өміріне жоспар құрып, өзінің махаббаты Лаураны кездестіреді. Суға батып бара жатқан қызды құтқару кезінде алған омыртқа жарақатынан кейін оның өмірі күрт өзгерді.
Ақбота Ермаханова, сценарист:
— Бұл Арнұрдың жарақат алғанға дейінгі және кейінгі өмірі. Біз адамның қиындықтарды қалай жеңетінін көрсеткіміз келеді. Бұл біздің екінші қойылымымыз. Әр қойылым әртүрлі, біз бұл маңызды оқиғаны қайта көрсету үшін көп жұмыс және репетиция жасадық. Сценарист сюжетке терең мағына берген. Барлық рөлдерді жас актерлер сомдайды. Оның үстіне труппада көру және есту қабілеті бұзылған адамдар бар. Өз талантын ашқысы келетіндердің барлығы инклюзивті театрға келеді.
Бекзат Шахзада, актер:
— Спектакльде кейіпкеріміздің басынан өткен оқиғаларды айтып қана қоймаймыз. Біз өз-өзіне қол жұмсау шешім емес екенін жеткізгіміз келеді. Мұны әсіресе өскелең ұрпаққа, жасөспірімдерге есту маңызды. Біз мықты болып, қиындықтармен бөлісуіміз керек.
Бүгінде Арнұр Ысқақов «Қанаттылар» инклюзивті театрының директоры. Оның ойынша, бұл сәттілік емес, тағдыр. Және бұл оқиғаны көрерменмен бөлісуді жөн көрді. Бірнеше жыл бойы ол өзінің «Кейінгі өмір» фильмін, сондай-ақ осы жылы ұсынған кітабын жасаумен айналысты.
