2023 жылы облыста конго-қырым геморрагиялық қызбасының 13 жағдайы тіркеліп, оның біреуі клиникалық және зертханалық расталған. Ағымдағы жылдың 18 сәуірінде бұл аурудан өлім тіркелді.
Қызылорда конго-қырым геморрагиялық қызбасының табиғи ошағында орналасқан. Инфекцияның тасымалдаушылары иксодид кенелері болып табылады.
Биылғы жылы эпидемиялық кезең басталғаннан бері қалада 54 адам кене шағудан зардап шекті.
«Конго-Қырым геморрагиялық қызбасы ауыр зардаптарға әкелетін жіті жұқпалы ауру. Инфекцияның көзі және тасымалдаушысы иксодид кене болып табылады. Ауру маусымдылықпен сипатталады, сәуірден қазанға дейін кене белсенділік кезеңімен байланысты. Көбінесе ауылшаруашылық қызметкерлері Конго-Қырым геморрагиялық қызбасымен ауырады: шопандар, олардың отбасы мүшелері, сауыншылар, мал сою пунктінің жұмысшылары», — деп хабарлады дереккөз.
Конго-Қырым геморрагиялық қызбасының алдын алу шаралары:
Далада жұмыс істегенде, мал бағуда, елде демалу кезінде кене шағып алмас үшін жеңі ұзын жабық киім киіп, шалбарды шұлықтың ішіне тығып, резеңке қолғап киіп, дененің ашық жерлерін толығымен жабу керек;
Тістеген жағдайда оны қорғалмаған қолдармен алып тастамаңыз, резеңке қолғапты қолданыңыз және қысқышпен абайлап алыңыз. Тістеген жерді йодтың 5% спирт тұнбаларымен немесе 70% спиртпен өңдеп, дереу жақын жердегі медициналық мекемеге хабарласу керек.
