18 мамырда Астанада аутизм мәселесіне қоғамның назарын аудару мақсатында екінші жыл сайынғы «Аутизмге жүгіру» қайырымдылық жарысы өтеді.
Жиналған қаражат «Болашақ» қорының www.bolashakcharity.kz «Әр бала мектепке лайық» бағдарламасы аясында аутизм және басқа да психикалық ауытқулары бар балаларға қолдау көрсетуге жұмсалады.
Жарысқа қатысу үшін кәсіби спортшылар, жүгірушілер, блогерлер, ерекше балалар мен олардың ата-аналары және басқалар шақырылады.
Жарыс төрт қашықтықта өтеді:
• 1 км – 5 990 теңге;
• 2,5 км – 6 990 теңге;
• 5 км – 7 990 теңге;
• 10 км – 8 990 теңге.
Шарттары:
— Жарысқа әрбір қатысушы бір қашықтықта ғана қатыса алады.
— Әр номинация бойынша бірінші, екінші, үшінші орындарға ие болған жарыс жеңімпаздары дипломдармен марапатталады.
— Жынысына, жасына және таңдаған қашықтыққа қарамастан барлық мәреге қатысушылар медальдармен марапатталады.
— Жарысқа ерекше қажеттіліктері бар балаларды тәрбиелеп отырған отбасы мүшелері тегін қатысады.
Шара аясында ерекше балаларға арналған «Көңілді старттар» спорттық-ойын-сауық эстафетасы өтеді.
Жарысқа қатысушылар арасында бағалы сыйлықтар ұтысы ойнатылады.
Ұйымдастырушы: Астана қаласы әкімдігінің қолдауымен «Болашақ» корпоративтік қоры.
