NEET санатындағы жастар (уақытша жұмыссыз жастар) өздерінің әлеуметтік идеяларын жүзеге асыра алатын Zhas Project мемлекеттік жобасының қорытындысы шығарылды. Жобаға қатысуға 4 мыңға жуық өтінім түсіп, оның 280-і конкурстық іріктеуден өтті, деп хабарлайды ҚР Мәдениет министрлігі.
Өңірлер бойынша Жетісу облысы, Түркістан, Қызылорда, Алматы облыстары мен Шымкент қаласынан жастар белсенді түрде өтініш білдірген.
Өтініштердің 58,6 пайызы әйелдерден, 41,4 пайызы ер адамдардан түскен. Олардың көпшілігі 26 жастан асқандар азаматтар.
Шымкент қаласынан келген Насиба Ағзамова аутизммен ауыратын балаларға арналған түрлі кейіпкерлер пішініндегі глютенсіз печенье шығару үшін миллион теңге грант алады. Глютенсіз диетаның артықшылықтары аутизмі бар балалардың құрамында глютені бар тағамдарға, сондай-ақ глютенсіз диетадағы адамдар үшін аллергиялық немесе жоғары сезімталдық болуы мүмкін деген теорияға негізделгенін ескеріңіз.
Сонымен қатар Насиба глютенсіз өнімдерді өндіру технологиясы бойынша оқытуды жоспарлаған.
Мемлекеттік грант Қарағанды облысының тұрғыны Айтолқын Наушарбанға ұлттық нақыштағы «Qazaq Stil» брендінің тігін цехын ашуға қажетті құрал-жабдық алуға көмектеседі.
Өтініштер бір ай бойы Zhas Project іске асыратын 10 аймақтық үкіметтік емес ұйым арқылы қабылданды. Zhas Project жобасы аясында гранттық қаржыландыру ҚР Мәдениет және ақпарат министрлігінің тапсырысы бойынша жүзеге асырылуда.
10 аймақтық үкіметтік емес ұйым сайттарының Zhas Project бөлімінде байқаудың нәтижелері мен жеңімпаздары туралы толығырақ білуге болады.
