Астанада мектепке дейінгі ұйымдарға жеткізілетін әлеуметтік маңызы бар азық-түлік тауарларының бағасын көтеру фактілері анықталды.
«Сауда үстемесін көтеруге жол берген бірқатар компаниялар әкімшілік жауапкершілікке тартылды. Астана әкімдігі білім басқармасының басшылығымен бірлесіп 98 мектепке дейінгі ұйымдармен профилактикалық әңгімелесу өткізді.
Жасалған жұмыстардың қорытындысы бойынша балабақшалар әлеуметтік маңызы бар азық-түлік өнімдерін жеткізушілермен келісім-шарттың жалпы сомасын қысқарту бағытында өзара келісім бойынша қосымша келісімдер жасайды», — делінген ведомство хабарламасында.
Қазіргі таңда қаладағы 21 мектепке дейінгі мекемеде әлеуметтік маңызы бар азық-түлік өнімдерін жеткізуге жасалған келісім-шарттар бойынша бағалар төмендетілді.
Олар бойынша үнемдеу 31 млн теңгеден асты.
Бұл бағыттағы жұмыстар жалғасуда.
