Балаларды қорғау күні аясында ШҚО Төтенше жағдайлар департаментінің құтқарушылары өскелең ұрпақпен профилактикалық іс-шаралар мен шеберлік сабақтарын өткізуде.
«Үміт» балалар үйінде төтенше жағдайлар қызметінің қызметкерлері су айдындарындағы қауіпсіздік шараларын, өртті болдырмауға көмектесетін ережелерді үйретуді ұйымдастырып, құтқарушы Зуламен таныстырды.
Ұлдар мен қыздар құтқарушы құрал-жабдықтарды пайдалана отырып, жаттығулар арқылы білімдерін бекітті.
Құтқарушылар балалармен сабақ өткізу кезінде төтенше жағдайлар кезінде көмек көрсету үшін қолданылатын құрал-жабдықтар мен киім-кешектерді көрсетті.
ШҚО Төтенше жағдайлар департаментінің құтқарушылары мұндай тәжірибелік жаттығулардан кейін балалардың қауіпсіздік мәдениетіне деген жауапкершілігі артып, төтенше жағдайда өзін ұстау дағдылары қалыптасады деп есептейді.
