Қасым-Жомарт Тоқаев Астанадағы спорт орталығында болды, — деп хабарлайды Ақорда сайты.
Елордадағы әлеуметтік нысандардың жұмысымен танысу аясында Мемлекет басшысы SANA Sport отбасылық орталығында болды.
Мекемеде 29 спорттық, шығармашылық және оқу-ағарту үйірмелері жұмыс істейді, оларда 29 жаттықтырушы және 25 жоғары білікті педагог жұмыс істейді.
Мемлекет басшысына «Damu Development Group» консорциумы жүзеге асырып жатқан әлеуметтік жобалар туралы ақпарат ұсынылды. Сондай-ақ SANA Sport кешені аумағындағы саябақты қайта құру жоспары таныстырылды.
Қасым-Жомарт Тоқаев спорт залдарын, шығармашылық үйірмелер мен оқу кабинеттерін аралап көрді.
Орталықта 4 мыңнан астам бала қосымша білім алады. «Мереке» қайырымдылық қоры аз қамтылған отбасынан шыққан жасөспірімдерге үйірмелерге баруға мүмкіндік береді.
