Білім министрлігі 2024-2025 оқу жылына еңбек нарығының қажеттіліктерін ескере отырып, республикалық бюджеттен қаржыландырылатын білім беру ұйымдарында техникалық және кәсіптік, орта білімнен кейінгі білімі бар кадрларды даярлауға мемлекеттік білім беру тапсырысын жариялады, «Бөбек» ұлттық ғылыми-практикалық, оқу-сауықтыру орталығы» республикалық мемлекеттік қазыналық кәсіпорны 200 маманды даярлауға мемлекеттік тапсырыс алады:
Мектепке дейінгі тәрбие мен оқыту – 25.
Бастауыш оқытудың педагогикасы мен әдістемесі – 75.
Негізгі орта білім беруде тіл мен әдебиетті оқытудың педагогикасы мен әдістемесі – 75.
Информатика – 25.
APEC Petrotechnic жоғары колледжі келесі мамандықтар бойынша оқыту үшін 225 грант алады:
Мұнай және газ ұңғымаларын бұрғылау және бұрғылау технологиясы – 15 грант.
Мұнай және газ өндіру технологиясы – 15.
Мұнай және газ кен орындарын пайдалану – 15.
Химиялық технология және өндіріс (түрлері бойынша) – 50.
Электрмен жабдықтау (салалар бойынша) – 40.
Технологиялық процестерді автоматтандыру және басқару (бейіні бойынша) – 40.
Бағдарламалық қамтамасыз ету (түрлері бойынша) – 50.
Бюджеттік бағдарламалардың әкімшісі Қазақстан Республикасы Білім министрлігі болып табылады.
