2024 жылдың 15 маусымында Қазақстан Республикасы азаматының жеке куәлігінің жаңа түрі күшіне енді, деп хабарлайды Polisia.kz.
Енді құжатта қосымша деректер болады:
— азаматтық туралы мәліметтер
— меншік иесінің жынысы
Бұл мәліметтер жеке куәліктің визуалды аймағына орналастырылады.
Бұрын бұл ақпарат жеке куәлікке салынған чипте болған.
Бұл ретте жаңа дизайндағы жеке куәліктерді беру бюджет қаражатын талап етпейді және азаматтардың жаңа құжаттарды бергені үшін төлейтін мемлекеттік баж салығы сомасын (2024 жылы оның мөлшері738,4 теңгені құрайды) ұлғайтуға әкеп соқпайды.
Сондай-ақ келесі хабарланады:
— Жарамдылық мерзімі аяқталмаған жеке куәліктер өз күшін сақтайды.
— Қазақстандықтар жаңа дизайндағы жеке куәліктерді алдыңғысының жарамдылық мерзімі біткен кезде немесе жарамсыз деп танылған басқа да себептер бойынша ауыстыруға өз бетінше өтініш беру арқылы ғана алады, Құжаттарды бір мезгілде жаппай ауыстыру болмайды.
