Осы айда еліміздегі ең ірі «Halyk» банкі «100 игі іс» акциясы аясында 100 жылдық мерейтойына арнап сыйға тартқан жаңа көпфункционалды балалар ойын алаңдарының құрылысы аяқталды. Балалар мен жасөспірімдерге арналған жаңа ойын алаңдары Қазақстанның жеті облысында: Екібастұз, Өскемен, Атырау, Шымкент, Түркістан, Балқаш және Қонаев қалаларында орнатылды.
«Halyk корпоративтік әлеуметтік жауапкершілігі жоғары ұйым ретінде Қазақстандағы қоғамдық өмір мен қайырымдылықты дамытуға жыл сайын қомақты қаржы салады Банкіміздің 100 жылдығына орай біз жеті облыстың балаларына жаңа ұрпақтың спорт пен салауатты өмір салтын дамытуға, сондай-ақ құрдастарымен әлеуметтік қарым-қатынаста болуға көмектесетін ойын алаңдарын беруді ұйғардық», — деп атап өтті Halyk PR қызметінің басшысы Әсел Оразбаева.
«Halyk» барлық учаскелердің құрылысына 83 млн теңге бөлді. Ойын алаңдары әмбебап және ыңғайлылықтың ең жоғары стандарттарына сай жасалған. Олар балалардың қажеттіліктерін және олардың белсенділігін ескереді. Сондай-ақ құрылыс кезінде барлық жастағы балалар арасындағы жарақаттар мен жазатайым оқиғаларды азайтуға көмектесетін барлық қауіпсіздік шаралары ескерілді.
Естеріңізге сала кетейік, өткен жылы «100 игі іс» акциясы аясында «Halyk» өзінің ғасырлық мерейтойында көптеген әлеуметтік және қайырымдылық жобаларды жүзеге асырған болатын. Сонымен қатар банк ағымдағы жылдың мамыр-маусым айларында жаңадан құрылған екі облысқа – Ұлытау мен Жетісуға жаңа шағын футбол алаңдарын сыйға тартты, көп ұзамай Абай ауданында үшінші алаң ашылады.
Өткен жылдан бері «100 игі іс» акциясы аясында «Халық» Қазақстанның 25 қаласына ойын алаңдарын, мүгедектігі бар азаматтарды тасымалдауға арналған жеке таксилерді сыйға тартты. 22 маусым күні Алматыда «Halyk» ұйымы ұйымдастырған «Үміт кубогының» финалы өтіп, оған еліміздің 16 облысынан балалар үйлері мен демеушілік ұйымдардың ұл-қыздарынан құралған командалар қатысады.
