Елорда күні: «Creative summer» жобасы Астанада әр демалыс күндері жаздың соңына дейін жұмыс істейді
Елорда күнін мерекелеу аясында жаз бойы әр сенбі және жексенбі күндері қала тұрғындары мен қонақтарына арналған «Creative summer» жобасы балаларға арналған ойын-сауық бағдарламаларымен, шығармашылық ұжымдардың қойылымдарымен, флешмобтармен өтеді, деп хабарлайды Астана әкімдігінің ресми сайты.
Жобаның мақсаты – әртүрлі жастағы ұрпақтарды ортақ мәдени мұраны жаңғыртуға тарту, патриоттық рухты тәрбиелеу және ұлттық мәдениеттің маңызын нығайту.
Жоба қонақтарын балалардың ойын-сауық бағдарламалары, флешмобтар күтеді. Сондай-ақ алаңда көше суретшілері жұмыс істейді, қарындаштармен сурет салуға арналған орындар бар, балаларға арналған бет бояуы ұйымдастырылған, көп жанрлы әртістер, аниматорлар және тағы басқалар өнер көрсетеді.
Іс-шараға кәсіби музыканттар мен музыкалық топтар тартылды.
Күндізгі бағдарлама сағат 16:00-де басталады, орындар апта сайын өзгереді, алдағы іс-шара мен өтетін жер туралы хабарландырулар @madeniet_direkciya аккаунтында жарияланады. Жоба мезгіл-мезгіл қала алаңында, Есіл өзенінің жағалауында, Жерұйық және Жетісу саябақтарында өткізіледі. Жобаға «Белсенді ұзақ ғұмыр» орталығы, вокалдық клубтар, эстрадалық студиялар, заманауи би стильдерінің хореографиялық академиялары, түрлі шығармашылық студиялар, шығармашылық университеттердің студенттері, сонымен қатар демалыстағы музыканттар тартылған.
