JOLTAP жобасы: елорда тұрғыны жиһаз жасау курсынан өтті
Өткен жылы қолға алынған JOLTAP жобасы елордалықтар үшін үлкен мүмкіндіктер ашты. Жобаның арқасында бас қала тұрғындары жаңа мамандықтарды тез игеріп, тағы бір табыс көзіне ие болды, деп хабарлайды елорда әкімдігінің ресми сайты.
Солардың бірі «Шкаф жиһазын жасау негіздері» курсын жақында ғана тәмамдаған Дәурен Жолманов.
«Мен JOLTAP жобасына модульдік пункт арқылы келдім. Онда мен «Шкаф жиһазын жасау негіздері» курсын өттім. Болашақта осы кәсіппен табыс тауып, өз кәсібімді ашсам деген жоспарым бар. Жоба менің мақсаттарыма жетуге көмектеседі деп ойлаймын», — деді ол.
Студенттер бұл курсты әртүрлі модульдер бойынша оқиды.
«Жиһазды бөлшектеп жасаудың қыр-сырын үйрену ыңғайлы болды. Атап айтқанда, біз бұл мамандықтың қыр-сырын білдік, заманауи шкаф жиһазының ерекшеліктерін білдік; материалдармен, құралдармен және жабдықтармен таныстық; өлшемдерді алу және одан әрі жұмыс үшін ақпарат жинау; шкаф жиһазының дизайны; материалдарды аралау және өңдеу; жиһаз құрастыру модульдерімен таныстық», — дейді астаналық тұрғын.
Айта кетерлігі модуль бойынша кеңесшілер сонымен қатар тұрғын үй бағдарламалары, бизнес гранттары, әлеуметтік көмек және жұмысқа орналасу мүмкіндіктері туралы ақпарат береді. JOLTAP жобасы аясында қала тұрғындары екі қысқа мерзімді бағдарлама арқылы тегін білім ала алады. Бірінші бағдарлама тігінші, кассир сияқты сауда, құрылыс және қызмет көрсету саласының стандарттары мен талаптары негізінде ұмыс орындарын дайындауға арналған. Ал «Freelance Mumkindik» деп аталатын екінші бағдарлама нарықта танымал және өзекті цифрлық дағдыларды үйретеді.
