Үйдегі ауыз су санитарлық талаптарға сай келмейтіні анықталды.
Солтүстік Қазақстан облысында уланған отбасы тұтынған өнімдерден стафилококк табылды. Бұл туралы санитарлық-эпидемиологиялық бақылау комитетінің баспасөз қызметі хабарлады.
Отбасы үйдегі тағамдар мен дүкеннен сатып алынған тұшпара жеген. Тексеру жартылай дайын фабрикатты Петропавлдан жеке тұлға жеткізгенін көрсетті. Өндірушінің тұшпара сапасы мен қауіпсіздігін растайтын құжаттары жоқ болып шықты.
Сараптама жүргізу үшін мамандар ауыз су, азық-түлік сынамаларын алып, зардап шеккендердің үйлеріндегі ауаны өлшеген.
«Зертханалық зерттеу нәтижелері бойынша азық-түлік өнімдерінде (мұздатылған жартылай фабрикаттар — тұшпара, мұздатылған ет, солянка, шошқа етінің шикі майы) стафилококк, шартты флора және мезофильді аэробты және факультативті анаэробты микроорганизмдер анықталды», — дейді ведомство өз хабарламасында.
Олардың жеке үйінің ыдысынан және құдығынан ауыз су да органолептикалық (түсі, лайлылығы, тотығушылығы, құрғақ қалдығы, жалпы кермектігі) және химиялық құрамы (аммиак, аммоний және нитрат азотының мөлшері) бойынша санитарлық талаптарға сай келмейді.
Ауаны өлшеу нәтижелері бойынша жертөледегі көміртегі тотығының шекті рұқсат етілген концентрациясы алты есеге (3,0 эталонмен 18,4) және радоннан 3,1 есеге (стандарт 200 624 ± 187) жоғары екені анықталды.
Полиция тергеуді жалғастыруда. Қаза болған балаларға сот-медициналық сараптама жүргізілуде.
Бұған дейін Солтүстік Қазақстанда бес адамнан тұратын отбасы уланып қалғаны хабарланған болатын. Үш және алты жастағы екі бала қайтыс болды. Үлкен бала мен оның анасы жансақтау бөлімінде жатыр. Балалардың анасы маусым айының соңында ауруханадан шығарылды, әйелмен психологтар жұмыс істеді. 10 жасар ұлының денсаулығы тұрақты және қанағаттанарлық, анализдері қалыпты. Бұған дейін тексерулер балалардың жедел нитритпен улануынан қайтыс болғанын көрсеткен.
