Ата-аналардың балаларын егуден бас тартуы астаналықтар арасында вакцинамен басқарылатын аурулардың көбеюіне алып келеді. Бұл туралы Байланыс қызметінде өткен брифингте Астана қаласының бас мемлекеттік санитарлық дәрігері Сархат Бейсенова айтты.
Ағымдағы жылдың 6 айының қорытындысы бойынша Астана қаласының тұрғындарын иммундаумен қамту мониторингінің деректері бойынша 1 жасқа дейінгі балаларды дифтерияға, сіреспеге, көкжөтелге, гемофильді инфекцияға, полиомиелитке, пневмококкты инфекцияға, 16-17 жас аралығындағы жасөспірімдердің дифтериясына және сіреспеге қарсы екпелермен жоспарлы қамтуға қол жеткізілді.
«Нәтижесінде, ағымдағы жылдың 6 айында көкжөтелдің 435 расталған жағдайы тіркелді, 14 жасқа дейінгі балалар арасында — 417 (көрсеткіш – 100 мың тұрғынға шаққанда 30,5), 2023 жылы көкжөтелдің 5 жағдайы тіркелді, өсім 82 есе. Аурудың негізгі себебі 54% немесе 234 жағдайда ата — аналардың көкжөтелге қарсы профилактикалық егуден бас тартуы болып табылады», — деді астаналық санитарлық дәрігер.
«Өткен жылдың наурыз айынан бастап елордада қызылшамен сырқаттанушылықтың өсуі байқалды. . Ағымдағы жылы 6 айда қызылшаның 1541 расталған жағдайы тіркелді, оның ішінде 14 жасқа дейінгі балалар арасында 1059 жағдай, өсім 12 есе, сырқаттанғандардың ішінен қызылшаға қарсы 1069 адам екпе алмағандар», — деді Сархат Бейсенова.
«Осыған байланысты Департамент әлеуметтік желілерде вакцинация туралы әдейі жалған ақпараттың таралуын қадағалайды және медициналық ұйымдармен бірлесіп, мұндай мәлімдемелерге жедел түрде жауап береді, осылайша түсіндіру жұмыстарының нәтижесінде 2 472 ата-ана екпенің маңыздылығын түсініп, вакцинациядан өтті, олардың ішінде бұрын екпеден бас тартқан 623 бала да бар, бұл 2022 жылмен салыстырғанда 7 есеге жоғары, ол кезде ата-аналармен жүргізілген әңгімеден кейін 80 балаға ғана екпе салынған», — деп толықтырды спикер.
