Ұсынылған жаңашылдықтар туралы ҚР Еңбек және халықты әлеуметтік қорғау министрлігі айтты.
«Осы айда министрлер мен әкімдердің мүгедектік мәселелері жөніндегі штаттан тыс кеңесшілерін тағайындау ережесін бекіту туралы бұйрыққа қол қойылды», — делінген Еңбек және халықты әлеуметтік қорғау министрлігінің хабарламасында.
Реформаның келесі кезеңі 2025 жылдан бастап тәжірибедегі дәрігерлердің арасынан тәуелсіз сарапшылар институтын енгізу болмақ, пилоттық жобаны өткізу туралы бірлескен бұйрық қабылданды, Еңбек және халықты әлеуметтік қорғау комитеті қазірдің өзінде қызмет көрсету үшін білікті медициналық сарапшыларды тартуда.
Сонымен қатар, екі ведомствоның – Еңбек және халықты әлеуметтік қорғау министрлігі мен Денсаулық сақтау министрлігінің ақпараттық жүйелері біріктіріледі. Бұл жекелеген нозологиялық нысандар бойынша мүгедектікті автоматты түрде анықтауды енгізу, медициналық-әлеуметтік сараптамаға (МӘК) негізсіз жолдамаларды азайту үшін бір аймақтық емхана деңгейінде дәрігерлік консультативтік комиссияларды орталықтандыру, сондай-ақ МӘС жүргізудің сырттай проактивті форматына толық көшу үшін жасалады.
