Қазақстанда ерекше қажеттіліктері бар адамдарға туристік қызмет көрсету стандарты әзірленуде
Қазақстанның стандарттау және метрология институты «Халыққа және қозғалыс мүмкіндігі шектеулі топтағы ерекше қажеттіліктері бар адамдарға туристік қызмет көрсету» ұлттық стандартын әзірлеуде.
Стандарттың мақсаты – ерекше қажеттіліктері бар тұлғаларға өмір сүру сапасын жақсартуға, олардың оңалту және сауығу үдерістеріне жәрдемдесуге мүмкіндік беретін барлық жастағы және қабілетті адамдар үшін туристік қызметтерге тең қолжетімділікті қамтамасыз ету.
Стандартты туристік қызмет көрсететін ұйымдар қолданатыны түсіндірілді.
«Стандарттың негізгі талаптары: ғимараттардың қолжетімділігі, көліктің қолжетімділігі, тіректер мен есептегіштердің параметрлері, маневр жасау орындары, бөлмелердегі элементтер мен құрылғылар» — деп атап өтті KazStandard бас директоры Еркежан Әмірханова.
Осы аптада стандарт жобасының талқылауы өтіп, оған «Almaty Azamattyq Alliance ALE», Алматы қалалық мүгедектігі бар азаматтр қоғамы, «Алпамыс» мүгедектігі бар балаларды күту жөніндегі ата-аналар қауымдастығы, жұмыспен қамтуды үйлестіру басқармасының өкілдері және Аймақтардың әлеуметтік бағдарламалары, «Центр САТР» ЖШС, « Л.Н. Гумилев атындағы Еуразия ұлттық университеті» КЕАҚ» және т.б қатысты.
Стандарт жобасы қоғамдық талқылау үшін KazStandard ресми сайтында орналастырылған және Қазақстанның барлық мүдделі тараптары осы саладағы ұлттық стандартты әзірлеу үдерісіне белсенді қатысуға шақырылады.
