Елордалық Тұрғын үй орталығы «Қазақстандық тұрғын үй компаниясы» АҚ арқылы «Сатып алу құқығымен жалға берілетін тұрғын үй» бағдарламасы бойынша конкурсқа қатысуға өтінімдерді қабылдауды бастайды, деп хабарлайды елорда әкімдігінің ресми сайты Астана қаласы Тұрғын үй және тұрғын үй инспекциясы басқармасына сілтеме жасап.
Өтініштер birge.astana.kz порталы арқылы электронды түрде қабылданады.
Өтінімдерді қабылдау уақыты: 2024 жылғы 28 тамыз сағат 09:00-ден 2024 жылғы 3 қыркүйек 23:59-ға дейін (қоса алғанда).
Бұл бағдарламаға «Мемлекеттік қызметшілер, бюджеттік ұйымдардың қызметкерлері, әскери қызметшілер, ғарышкерлікке кандидаттар, ғарышкерлер, арнаулы мемлекеттік органдардың қызметкерлері және мемлекеттік сайланбалы лауазымдарды атқаратын адамдар» санаты бойынша Астана қаласында тұрғын үй алуға кезекте тұрған азаматтар ғана қатыса алады.
Бағдарлама туралы толығырақ ақпаратты Астана қаласының Тұрғын үй және тұрғын үй инспекциясының сайтында https://www.gov.kz/memleket/entities/astana-uzh/press/news/details/831468?lang=ru сілтемесі бойынша алуға болады.
