2024 жылғы Паралимпиада: Қазақстан атынан Камила Досмалова қатысады
ҚР Туризм және спорт министрлігі 2024 жылғы Паралимпиада ойындарында таэквондошылардың қайсысы Қазақстан намысын қорғайтынын айтты.
Камила Досмалова Парижде өтетін Паралимпиадада Қазақстан намысын қорғауға аттанады. Пара таэквондодан 57 келі салмақта өнер көрсететін ол халықаралық дәрежедегі спорт шебері, Ханчжоудағы (Қытай) Азия ойындарының күміс жүлдегері.
Сондай-ақ спортшы Азия, әлем және Еуропа чемпионаттарының жеңімпазы, бірнеше дүркін Гран-при иегері.
Камила Паралимпиада ойындарында жақсы нәтижелерге қол жеткізіп, елге жүлде әкелу үшін бар күш-жігерін салатынын айтады.
0
